香港法定產假將在由10星期延長至14星期，不過現時還未正式生效，預期於2020年底才正式落實推行。不少在職媽媽一般都選擇前2後8，甚至前1後9的方式，工作至最後一刻才放產假。近日一名在職媽媽就分享其產前帶飯返工經歷，引來一眾網民熱議。
在職媽媽返工時作動直接入院生B
該在職媽媽於Day Day Explode 日日爆中投稿並分享一幅飯盒照片，她表示「當時太忙，本身放咗喺公司雪櫃，諗住第二日食，點知當晚就作動去咗生b……然後我就遺忘左呢個飯盒，而同事又唔敢亂掉」。她續指，自己用了幾日時間做心理準備，直至「今日終於鬼鬼祟祟拎出來，一打開個蓋，隔住口罩都聞到味…… 」有網民笑言：「個飯盒終於等到你坐完月返嚟搵佢」
台妻嫌夫穿工作服去家長會太髒！網民：怎麼不嫌他辛苦錢髒？哈佛學家7個高質陪子女關鍵時間
飯盒遺留雪櫃102天！網民：百日飯！點解無發霉？
該飯盒已放在公司雪櫃102天，從事主上載的照片所見，該飯盒內的疑似菜心已明顯變色，有點像煲湯後的啡色西洋菜！該專頁的Admin表示，「以擺咗100日來講，我覺得個飯盒樣子是ok的」、「個保鮮盒保鮮效果(表面上)好似幾得 」！帖文一出，即引來網民熱烈討論，不少網民好奇「無發霉，點解既」，「100日前佢應該係好好味」。有網民認為「個食物盒 同 雪櫃 都應該 『系出名門』」、「介紹返你公司用咩牌子雪櫃吖 」、「公司個雪櫃勁喎，盒野竟然無菌絲嗰類核突野！」
有在職媽媽於Facebook專頁投稿分享產前帶飯返工經歷，因當日工作中途突作動直接入院生B！飯盒一直放在公司雪櫃，直至產後返工才發現，引來網民熱議。
「香港人果然好鍾意返工」
網民除了關心飯盒本身之外，不少媽媽也在回應中分享自己的生仔經歷！有網民表示：「回想我生仔，我係last day 當日去左生仔，人地生仔係擰走佬袋，我係擰住手袋同埋部手提電腦入院」、「舊同事老婆教教下書穿羊水，震撼教育」、「我係放左工就去生仔 返屋企途中係街穿水」 、「我記得有同事原本拎前一後九，點知交完手尾即晚入醫院生左。上一份工既manager 聽講係工作狂到入產房前一刻仲傾緊工事電話，仲要搭句 我而家入去生仔，生完call你」
從以上回應看來，香港在職媽媽的確很勤力，「香港人果然好鍾意返工」！