香港其實有唔少特色街道，其中位於灣仔同金鐘交界嘅星街小區就由附近嘅日街、月街、星街同永豐街組成，被喻為「灣仔後花園」。喺星街小區入面有唔少型格藝文店、家居精品店、花店、咖啡室、主題餐廳同酒吧等。由於鄰近中環同金鐘商業區，所以吸引唔少外國人喺呢度居住或放工嚟Happy Hour，加上建築風格，真係好似去咗歐洲小鎮咁，啱晒大家週末嚟到慢活同打卡啦！
日街、月街及星街
日月星街呢啲街名聽落好似好簡單，但細味之下其實又有種恬靜而浪漫嘅氣氛。原來喺十八世紀末，首座發電廠建於灣仔，當時就以《三字經》中「三光者，日月星」命名，意思係發電廠會為街頭帶嚟光明。時至今日，日街、月街、星街成為一個獨特嘅小社區。
前往方法
由金鐘港鐵站太古廣場3座F出口步行5分鐘就到。
星街垃圾收集站
垃圾站都係打卡點？呢度嘅垃圾站配合星街小區嘅藝術主題，外牆參考荷蘭畫家Piet Mondrian嘅畫風設計，藍白黑配色，簡約得嚟又不失藝術感，記住影番張相呀！
壁畫
星街小區內有唔少店鋪相關嘅壁畫，大家不妨細味打卡。
彩虹樓梯
彩色樓梯絕對係歷久不衰嘅打卡熱點，位於星街小區內嘅彩虹樓梯，人流唔多，影相一流。
東美花園
東美花園係另一個前住星街小區嘅出入口，公園內最大嘅賣點打卡位就係石牆樹。
另外，喺星街小區內當然唔少得藝文店、咖啡室、主題餐廳同酒吧啦。喺呢度嘅商店慢慢行，話唔定有意外收穫！
另外，喺星街小區內當然唔少得藝文店、咖啡室、主題餐廳同酒吧啦。喺呢度嘅商店慢慢行，話唔定有意外收穫！
Honbo
簡約藍白裝潢嘅漢堡包店係Bloomberg 2020年全球最佳漢堡當中唯一入榜嘅香港漢堡店。
BASAO tea
在簡約又治癒嘅店內，慢慢細味茶嘅味道，係一個放鬆自己嘅選擇。
APT Coffee
文青風味濃嘅coffee shop，咖啡師會根據你所喜好嘅咖啡豆、濃淡度、溫度同奶泡等，調配出一杯最適合你嘅咖啡。