公司上個月嚟咗個德國分析員，40歲男人，

同佢傾落都幾啱Key，尋晚邀請咗佢上我屋企食飯。

老婆喺廚房煮緊餸嗰時，個德國佬走入去八卦下，

點知佢問我老婆點解廚房冇量杯，我老婆就話其實大約都估到個量。

跟住個德國佬出嚟就好不滿咁話樣cooking太求其，

啲份量一啲都唔嚴謹，我老婆聽下聽下就好委屈咁喊咗出嚟。

好啦，跟住開飯，

個德國人一路食一路又讚啲餸好食，飯都食左兩碗，碟碟餸都食晒咁濟，

結果又氹到我老婆笑返。臨尾佢地重交換左whatsapp…

德國佬係唔係痴撚線？

網民回應：

1) 德國佬係咁，做乜都樣樣都計清楚。而家叫好咗，以前去德國問路，佢哋會咁答你:向前行大約幾多米，轉彎又行幾多米，好似要拎把尺度住嚟行咁。

2) 德國人對於精進度有好大堅持，就算你同佢哋 small talk (傾閒計)，如果佢問你揸車過嚟幾錢油，佢會expect你答到每升個油價+你嘅總駕駛距離

3) 德國人做事好認真, 從不馬虎，你同佢講大概估到, 佢肯定不高興啦

4) 我個人就好憎自己既女人因為別人而情緒翻波，好似唔識保護自己、容易被玩弄、操控一樣。（對男性、女性都係）剩係喊都算，轉個頭又因為同一個人而笑，有冇單純到咁，岩岩識咋喎。衰啲講句，會唔會轉個頭關心下佢，佢又會變得好感激人？對佢調下情，佢又⋯⋯

5) 所以啲中菜咪好多失傳曬同唔穩定同一間餐廳個個煮出黎都唔一樣

6) 綠色人生