嘆廚師發辦 尖沙咀鮨鳶

晚市嘅堂食終於重開,而M佬亦都履行佢嘅承諾,同我補祝情人節同周年紀念日。要慶祝大節日,最緊要就係食得好,私隱度高同坐得舒服啦!M佬話成年幾冇飛過日本,所以佢就帶我嚟到尖沙咀嘅鮨鳶食廚師發板,滿足一吓返鄉下嘅願望。

餐廳一店兩食,居酒屋嘅部份叫做藏鳶,而我哋今日食廚師發板嘅部份就叫做鮨鳶。鮨鳶嘅座位只有10個,除咗私隱度較高,更重要係方便同廚師互動,令廚師了解你鍾意嘅食材,咁佢嘅發板就更加啱你心水,所以想食嘅就記住要提早預約啦!

〈好食〉嘆廚師發辦 尖沙咀鮨鳶

麵豉蘿蔔,白子,炸公魚
坐低之後,就送上今日嘅前菜。麵豉蘿蔔冇太多嘅調味,微鹹嘅麵豉加上鮮甜嘅蘿蔔,就夠晒醒胃;一開始我都唔知咩係白子,只知道味道清甜,口感接近入口即溶,正在回味嘅時候,M佬先話我知,原來係魚嘅睪丸,除咗以形補形,更含有豐富蛋白質同維他命D,聽講食完非常養顏;至於公魚炸過之後,夠晒香口。

〈好食〉嘆廚師發辦 尖沙咀鮨鳶

薄切左口魚
左口魚係兩食,廚師建議先食咗刺身嘅部份,薄切嘅左口魚刺身夠晒透光,絕對係考廚師嘅刀工。左口魚魚香十足,肉質彈牙厚實;相反,炙燒過嘅左口魚邊,油脂豐富,入口即溶,非常滿足。

〈好食〉嘆廚師發辦 尖沙咀鮨鳶

北海道真蠔
肉質肥美,口感creamy,有獨特嘅甜味,並散發濃濃蠔香。

〈好食〉嘆廚師發辦 尖沙咀鮨鳶

真鯛刺身
非常新鮮細嫩,彈性十足,口感一流。

〈好食〉嘆廚師發辦 尖沙咀鮨鳶

馬刀貝刺身
平時一向少食馬刀貝,今日嚟到廚師發板,改變左我對佢嘅觀感,原來馬刀貝甘甜飽滿,肉質豐厚,仲有淡淡的海鹽味。

〈好食〉嘆廚師發辦 尖沙咀鮨鳶

深海池魚刺身
肉質鮮嫩肥美,脂厚油香,入口魚油甘香細膩,齒頰留香。

〈好食〉嘆廚師發辦 尖沙咀鮨鳶

三文魚子海膽牡丹蝦
三文魚子嘅份量超多,粒粒飽滿,晶瑩剔透,口感脆嫩,鮮味濃郁;海膽金黃色澤,口感幼滑,充滿海水嘅鹹香,又不失海膽嘅鮮甜;牡丹蝦新鮮彈牙,夠晒膠口。一次過將呢三樣嘢放入口,口感非常有層次。

〈好食〉嘆廚師發辦 尖沙咀鮨鳶

九州花蟹
食到一半嘅廚師發板之後,就送上呢個九州花蟹。花蟹經過微微煙燻,記住加埋旁邊嘅醋啫喱一齊食,蟹肉嘅鮮甜味更加突出。

〈好食〉嘆廚師發辦 尖沙咀鮨鳶
〈好食〉嘆廚師發辦 尖沙咀鮨鳶

茶碗蒸
蛋好滑溜,仲有蝦肉同冬菇增加口感。

〈好食〉嘆廚師發辦 尖沙咀鮨鳶

Related Posts

寫歌捧紅費玉清!台樂壇傳奇「捧出無數天王天后」 卻...

費玉清演唱的《一剪梅》一曲廣為傳唱,成為經典歌曲,...

勇士迷你訓練營起跑 持續至10月6日結束

隨著NBA啟動未參與復賽球隊之訓練營計畫,不少球隊...

趕快告訴長輩「這5種魚類」絕對不能買回家吃,不然就...

魚肉營養豐富,但海洋污染問題日益嚴重,生活在裡面的...

無法回台灣過中秋!子瑜嗑月餅應景過節 素顏黑眼圈殘...

南韓女團TWICE出道5年,坐擁超高人氣,台灣成員...

喜歡我們的文章嗎?按個讚吧!

關 閉 視 窗
搜尋